O reinado de Carlos IV.

CARLOS IV. (1788-1808)

O reinado de Carlos IV comezou un ano antes do estoupido da Revolución Francesa, sendo un feito fundamental para entender todo o que aconteceu durante o seu reinado.

Un dos principais elementos foi que Carlos IV comezou sendo un monarca moi similar o seu predecesor, Carlos III, e comezou exercendo un despotismo ilustrado. Pero os acontecementos en Francia determinaron un cambio de orientación, e decidiu illar a España de calquera medida que soara a liberalismo ou Ilustración. Iso provocou o peche de fronteiras, para evitar a entrada de ideas revolucionarias, e a declaración de Guerra a Francia, tras a execución de Luís XVI. Entre as medidas que vai tomar para poñerlle fin do Reformismo Ilustrado temos: a persecución os ilustrados e as súas ideas, o reforzo do poder real e a paralización das reformas. Moitas delas foron levadas polos ministros de Carlos IV, entre os que destacou Floridablanca.

Esta nova política de ataque a Francia foi organizada por un novo ministro: Manuel Godoy, que levou a cabo un goberno despótico. Manuel Godoy ascendeu o poder grazas a unha serie de intrigas, que lles permitiu aproximarte a familia real, e especialmente a raíña María Luísa. Isto permitiulle chegar a ser o principal ministro de Carlos IV.

Aínda que a súa política pode considerarse como pouco exitosa, debido as sucesivas derrotas ante as tropas francesas, el si consegue acumular unha serie de títulos e poder. A súa situación afianzase tras conseguir unha alianza con Francia, a Paz de Basilea (1795), na que consegue que ambas potencias cheguen a un acordo de paz.

Pero a acumulación de títulos e poder provocou a oposición de importantes sectores españois: o Principe de Asturias (futuro Fernando VII), os sectores máis conservadores (igrexa, nobreza, boa parte dos ilustrados e a maioría do pobo)

Isto acaba afianzándose mediante o cambio na política exterior, que tivo como primeiro paso a Paz de Basilea en 1795, e que foi consolidada no Tratado de San Ildefonso, que levou a unha alianza con Napoleón. Este cambio de orientación levou a aliarse con Francia e loitar contra Inglaterra. Isto acabou provocando toda unha serie de conflitos desastrosos para España como

• Batalla de Trafalgar (1805)
• Bloqueo Continental en 1806.
• Tratado de Fontainebleau (1807) e a consecuente Guerra das Laranxas, que lle permitiu o paso das tropas francesas para invadir Portugal.

Isto acabou provocando toda unha serie de movementos internos en España que levaron o Motín de Aranjeuz, do que trataremos máis adiante, e que acabaron provocando a caída de Carlos IV.