O capitalismo financeiro durante a I Revolución Industrial.

CAPITALISMO.

O desenvolvemento industrial provocou a necesidades de capitais para poder evolucionar e introducir as novas máquinas e as novas técnicas de produción.

Capitalismo Industrial.

As primeiras empresas que xurdiron durante a Revolución Industrial eran empresas familiares, onde o capital para a súa formación viña da inversión particular ou a axuda dos familiares. Pero a propia natureza da Revolución Industrial levou a que en moitas ocasións as empresas debían crecer ou estaban destinadas a desaparecer. Iso obrigou a moitas destas empresas a buscar novos investimentos, xa que os propios das súas familias non eran suficientes para cubrir eses gastos. Isto obrigou as empresas a optar por solucións novas.

Evolución das empresas.

Fixo necesario un aumento nos capitais que necesitaba a empresa.

Xa non lle chegaba cos capitais que podía reunir unha persoa ou a súa familia, así que optaron por pedir prestamos ós bancos, vendo como se desenvolven bancos de crédito (destinados a conceder prestamos a empresas e particulares para os seus negocios) e os bancos de deposito (onde poder gardar os beneficios ou os aforros).

Pero tamén levou a creación de empresas máis grandes onde buscábanse socios, nos que non tiña que haber lazos de amizade ou familia, senón o puro interese de investir cartos para conseguir beneficios. Así naceron :

Creación de Sociedades en Comandita.

Neste tipo de sociedades existe unha aportación de capital por varias persoas, pero neste tipo de sociedades crease a postura de: un xestor e unha serie de socios capitalistas.

Creación das Sociedades Anónimas ou S.A.

O capital da empresa divídese en acción, que se compran e venden en Sociedades de Valores ou Bolsas de Valores.
Os donos das accións convértense en propietarios da empresa, ou polo menos do tanto por cento que posúan. A persoa que controla a maior parte das accións é o que dirixe a empresa.

Capitalismo Financeiro.

Pero para poder desenvolverse esa industria vai ser ser necesario o desenvolvemento dun capitalismo baseado nas finanzas, ou sexa nos cartos. Isto leva a organizar una forma de controlar ese intercambio de capital para poder investir nas empresas. Deste modo van aparecer:

• Aparición das Bolsas de Valores. Lugares onde se podían comprar e vender as acción desas sociedades anónimas das empresas. 
• Aparición de un gran número de bancos.
• Bancos de Depósito.
• Bancos de Crédito.

O desenvolvemento deste capitalismo financeiro acabou provocando o aumento do volume comercial e favoreceu: pagamento de cheques, uso das letras de cambio e o desenvolvemento do papel moeda.