Revolución da actividade comercial durante a I Revolución Industrial.

REVOLUCIÓN COMERCIAL.

Causas.

En primeiro lugar debemos ter en conta que todo esta conectado, así que non podemos entender a revolución da actividade comercial, sen ter en conta as outras revolucións que acabamos de ver en clase (demográfica, agrícola, industrial e dos transportes. Pero tamén debemos destacara que para o caso da revolución do comercio hai unhas máis importantes que outras.

Aumento da demanda.

O aumento da demanda das industrias, que precisan de máis materias primas para desenvolver a súa propia actividade, pero tamén a demanda de que os seus produtos cheguen ó consumidor. Isto acaba provocando o desenvolvemento do aumento dos intercambios a nivel nacional e internacional. Agora móvense millóns de toneladas de produtos que van ó longo de todo o planeta.

Pero tamén debemos ter en conta o aumento da poboación, que iso fai necesario que as cidades estean abastecidas dos produtos básicos (alimentos, auga, etc.) e de todos eses produtos industrias que necesitan para levar un nivel de vida desexado.

Mellora na rede de transportes.

Pero este aumento do transporte non podía ser posible senón houbera unha mellora nos medios de transporte. As necesidade das industrias e da xente son importantes para entender o aumento do comercio, pero non foron posibles sen o desenvolvemento de toda unha serie de melloras nos medios de transportes e nas infraestruturas.

Entre as melloras nas redes de transporte temos a creación e desenvolvemento do ferrocarril e do barco de vapor. Ambos inventos son a aplicación da máquina de vapor os medios de transporte que fan máis barato, máis rápido e máis regular o transporte de mercancías e persoas.

Pero para iso foi necesario a creación e mellora dunha serie de infraestruturas como as pontes, as vías férreas, os portos e todo un conxunto de sistemas de almacenaxe para os produtos.

Consecuencias.

Esta revolución dos transportes trouxo unha serie de consecuencias que aínda están presente na actualidade.

Especialización das rexións na produción.

O comercio fixo unha consecuencia inesperada para moitos, pero que foi moi sinxela de entender: as rexións vanse especializando na produción dunha serie de produtos dos cales esta mellor predisposto para realizar. Isto quere dicir que as zonas vanse especializando na produción.

No caso da agricultura é moi sinxelo de entender: cada zona produce o que esta mellor predisposto a producir para vender ese produto a súa zona e as outras zonas do mundo. Isto ven porque non todos os produtos agrícolas poden producirse en todas as rexións do planeta; e sobre todo, non sempre podían ser enviados a lugares arredados a un prezo axeitado, ou sexa con beneficios, ou sen que acaben en mal estado (debido o tempo de envío). Pero iso vai cambiar coa revolución comercial e dos transportes, xa que agora os transportes son máis baratos e mais curtos. Isto provocou que agora podía producirse en lugares arredados e os produtos podían chegar en boas condicións.

Isto vai provocar que os mercados compren aqueles produtos de mellor calidade, e as zonas que os produzan especialízanse en eses produtos.

Pero tamén vai pasar na produción industrial, xa que as fabricas vanse colocar onde existan facilidades para conseguir materias primas (preto de portos, vías férreas) ou onde hai materias primas  ou fontes de enerxía.

Permite mellorar a venda dos produtos agrícolas en industriais.

Estes cambios permiten que se vendan mellor e máis rápido todos estes produtos (industriais e agrícolas). Moitas veces a venda de produtos fanse antes de que os produtos cheguen ós mercados, e con isto quero dicir que as fábricas compran os produtos agrícolas e gandeiros antes de que a colleita sexa producida, ou antes de que os produtos industriais sexan elaborados. A demanda obriga a comprar antes de que se produza.

Vouvos poñer un exemplo para que se entenda ben. Temos unha fábrica de conservas que quere producir tomate en en conversa. Esta fábrica sabe que necesita tomates para o seguintes 6 meses, pois para asegurarse os tomates chega a un acordo cos produtores para que lle subministrasen tantas toneladas de tomates, antes incluso de que as plantas produzan.

Aumento da activade comercial.

Creo que isto non fai falta moita explicación, pero a medida que os outros pasos van evolucionando vai crecendo máis e máis a actividade comercial ata converterse nunha das principais actividades comercias do mundo.

Desenvolvemento de políticas librecambistas.

Estas novas formas de comercio obrigan a moitos países para favorece esta actividade comercial a implantar políticas librecambistas. As políticas librecambistas implican que os gobernos facilitan a entrada e saída dos produtos (agrícolas e industriais). Para facilitar a entrada de produtos o que fan os gobernos é eliminar, ou polo menos baixar, as taxas de alfándegas. As taxas de alfándegas son impostos que pagan os comerciantes o introducir produtos nun país.

O problema é que si un pais é proteccionista, ou sexa ten unhas altas alfándegas, dificulta a entrada de produtos para as súas empresas; pero tamén fai que outros países non queiran comprarlle a el. Isto acaba obrigando ós países a impoñer políticas librecambistas: polas boas ou polas malas.

Mellorou o abastecemento de alimentos ás cidades.

Pero sen dubida unha mellora vai ser o abastecemento das cidades. As cidades van recibir moitos máis produtos para que os seus habitantes teñan todo o necesario para vivir. Isto, en principio, vai provocar que non existán fames ou problemas de abastecemento de alimentos como no Antigo Réxime: xa que si nun país había malas colleitas, isto solucionábase coa importación de materias dende outro país.

Proporcionou as materias primas necesarias para a industria.

As fábricas van ter mellor acceso as materias primas, xa que o mercado internacional vai favorecer o abaratamentos dos produtos e do seu transporte. Isto vai levar a que se reducen os custos e aumentan os beneficios para as empresas.