REVOLUCIÓN DOS TRANSPORTES.

Moi conectado con todo o que estamos vendo (Revolución Demográfica, Revolución Agrícola, Revolución Industrial) temos a Revolución dos medios de comunicación e dos transportes. As novas necesidades desta época fan necesarios unha serie de cambios nos transportes: estes deben ser máis rápidos, transportar maior cantidade e facelo de forma regular. Para todo iso déronse unha serie de cambios que coñecemos como a revolucións dos transporte, que consistiu nos seguintes elementos:

Mellora da rede de transportes.

Para iso fixéronse novas redes de camiños ou melloráronse os existentes, desenvolvéronse toda unha serie de canles fluviais para facilitar o transporte polos ríos e construíronse vías férreas.

Locomotora

Aplicación da máquina de vapor ós transportes.

• George Stephenson en 1825 crea a Locomotora. Este invento consiste na aplicación de unha maquina de vapor que move un motor para que impulse un vehículo. Ou sexa crease unha locomotora.

• Usada en primeiros lugar para o transporte de mercadorías, especialmente nas minas de carbón.
• Aparición da primeira liña férrea en 1830. Manchester-Liverpool.

• Robert Fulton desenvolveu o barco de vapor en 1807 no Clermont, usando un sistema de palas, que son movidas por unha máquina de vapor. Estas palas serven para impulsar o barco cando non hai vento.
• En 1830 impóñense os barcos con cascos de ferro e o uso de hélices.

Todos estes inventos levaran a toda unha serie de consecuencias entre as que contamos:

· Medios de transporte son máis veloces. O uso da máquina de vapor fai que os transportes sexan moito máis veloces.

· Aumentan a capacidade de carga. A máquina de vapor permite xerar unha enorme potencia, e isto permite transportar máis cantidade de carga.

· Os viaxes fanse de forma máis regular. Agora por exemplo os barcos non dependen dos ventos para facer os viaxes, así que poden organizar os viaxes seguindo unha velocidade regular.