As causas da Revolución Rusa en 1917.

O Imperio dos Tsares e a súa crise.

Rusia dos Tsares.

A principios do s. XX Rusia era un extenso imperio que se estendía dende Europa ata a punta máis oriental de Asia. Esta gran imperio estaba controlado pola dinastía dos Romanov, que exercía un goberno de forma autocrático, e con iso quero dicir que o Tsar exerce todo o poder sen restricións: político, económico, militar, social, lexislativo, etc. Pero isto ía en contra dos sistemas políticos modernos que funcionaban en toda Europa dende mediados do século XIX. Normalmente dicíase que Rusia seguía vivindo na Idade Media mentres o resto de Europa entraba na Revolución Industrial.

Causas:

Podemos ver como a Revolución Rusa foi un acontecemento que estoupou no ano 1917, pero en realidade temos que ver que as causas chegan moito máis aló dese ano. En realidade temos que ter en conta que unha das causas é os problemas de base que tiña o goberno tsarista.

Xa avancei que o Imperio Ruso atopábase debilitado debido a súa política exterior no que competía con varias potencias: como por exemplo con Imperio Austro-Húngaro, no que ambos competían por aumentar o seu poder nos Balcáns; pero tamén con Xapón, do que saíu mal parado despois da Guerra Ruso-Xaponesa de 1905.

Pero o feito que marcou a diferencia foi a entrada na I Guerra Mundial, xa que iso toda unha serie de consecuencias que abriron paso a revolución do ano 1917. Entre as principais causas temos:

Aumento dos gastos militares e da débeda exterior.

A entrada de Rusia na I Guerra Mundial trouxo toda unha serie de gastos militares,que ten que ver cos gastos en armas, municións, alimentos, etc. Pero sen lugar a dubidas isto debía ser soportado polo estado tsarista, que para iso tivo dous remedios: a subida de impostos as clases populares e o aumento do endebedamento ante outras potencias aliadas (especialmente entre os británicos, franceses e estadounidenses). Isto fixo aumentar considerablemente os gastos do estado, quitando recursos a outros sectores económicos.

Reorganización de la industria ó servizo do esforzo bélico.

Ó igual que o resto dos estados involucrados na guerra: Rusia reconverteu a súa economía para poder desenvolver as necesidades da guerra. Por iso podemos ver que todas as industrias do país, pese as súas limitación, foi orientada cara o esforzo de guerra: fabricando armas, construíndo canóns, fabricando tecidos para os uniformes, etc. Iso levou a que as necesidades da poboación con produtos básicos ou destinados a poboación civil eran abandonados. Isto ademais potenciou que as condicións das fábricas foron a peor durante estes anos: xornadas de traballo máis longas, peor pagadas (ou na que os soldos non subían de acordo coa inflación), etc.

Fracasos militares e perdidas territoriais

Ó longo de todos estes anos nos que Rusia participa na Guerra (1914 ata 1917), vemos unha serie de derrotas militares ante os Imperio Centrais, especialmente ante Alemaña. Isto podedes velo no mapa da Fronte Oriental da I Guerra Mundial. As batallas foron sempre favorables a Alemaña, e os avances contra os Austriacos e Otomanos non foron suficiente. Isto provocou unhas enormes perdas humanas e territoriais. Isto tivo como consecuencia unha clara oposición cara o goberno e un malestar social dentro dos soldados e da poboación civil, que observaban como os seus esforzos e sacrificios non valían para nada. Esta tensión cara o goberno do Tsar foi crecendo a medida que avanzaba a guerra, e que tivo como punto culminante os acontecementos do ano 1917.

Malas colleitas.

Durante os anos de guerra, cando moitos dos campesiños son mobilizados para servir na fronte de guerra: deixan moitos campos de labor sen traballadores. Rusia seguía sendo un país cunha agricultura moi primitiva e, iso de forma clara, complicou a produción agrícola. Pero este foi foi dificultado por secas e xeadas nos campos rusos, que acabaron provocando un ano de malas colleitas.

Aumento da oposición ó goberno.

Pouco a pouco a oposición o goberno tsarista vai crecendo tanto dentro dos partidos políticos que aspiran a unha reforma liberal e democrática, como nos partidos que aspiraban a unha revolución social (marxistas e anarquistas). Os acontecementos da guerra, as malas colleitas e o malestar social pola situación vai en aumento.

Crise económica

A guerra e a propia situación de Rusia antes da Guerra provocan crise na economía rusa. Isto vai provocar que aplicación da guerra total leve a economía rusa a niveles que crean miseria e fame na poboación civil. As empresas que existían oriéntanse a produción de bens para a guerra, e deixase de lado as necesidades da poboación civil.

A crise económica e as derrotas militares provocaron unha subida do prezo dos produtos, especialmente dos produtos básicos. Isto agrava aínda máis a situación de miseria das clases populares. Debido a situación de guerra hai desabastecemento das cidades dos produtos de primeira necesitade: iso acaba provocando a subida dos prezos dos poucos que chegan. Pero o problema e que os soldos non suban, senón que máis ben se estancaron, provocando un proceso de inflación.

Todo iso acaba provocando o malestar da poboación. Dando o caldo de cultivo perfecto para que estoupe unha revolución.

Aumento da represión polo goberno tsarista.

O goberno tsarista en vez de calmar as cousas, actuaba de forma aínda máis autoritaria. Un dos feitos máis truculento foi o ataque das tropas tsarista a manifestantes pacíficos que solicitaban pan en San Petersburgo en Febreiro de 1917. Iso acaba sendo o detonante final que leva a caída do Tsar.