Stalin e o seu goberno.

STALIN. (1924-53)

Ascenso o poder de Stalin veu como consecuencia de que Lenin cae enfermo e morre en 1924. Isto acaba provocando a división polo control do PCUS e a URSS. Entre esta división temos que ter en conta a dúas grandes personalidades: Trotski, que estaba apoiado por Lenin, e que era partidario de medidas como a extensión da Revolución cara fora da URSS e continuar coa NEP; no outro lado temos a Troika formada por Stalin, Zimoniev e Kámenev. A Troika, que tamén se coñece co nome de Triunvirato (realmente podemos traducilo por un goberno formado por 3 persoas), ten como lazo común a xenreira cara Trotski.

O final Stalin imponse sobre os demais, e controla todos os resortes do Estado. Tras o cal eliminación da oposición ó seu goberno (incluíndo a Zimoniev e Kamenev) e exerce o control da URSS a partires de 1927.

Entre as medidas propostas por Stalin, vemos que el era partidario da Revolución completa 1º na URSS e logo no mundo. Isto levoulle a organizar unha nova forma de goberno, no que se establece unha ditadura persoal.

O Programa de Planificación Económica.

Unha das peculiaridades de Stalin foi a organización dunha estrutura económica que rompa coa NEP proposta por Lenin, e iso lévalle a organizar os Plan Quinquenais. Chámanse así porque estes organizábanse en plans de 5 anos, onde se organiza todos os procesos da economía: niveis de produción, que se producía, cando se producía, canta inversión se lle adicaba a cada sector, cantas persoas traballaban alí, etc. Todo era planificado con antelación e organizado dende o goberno de Stalin, que realiza un clara intervencionismo en economía: nada queda fora da toma de decisión de Stalin.

Características do plans quinquenais:

• Planificación de toda a economía.
• Rexeitamento de calquera forma de autoxestión.
• Illamento comercial.
• Planificación Agrícola.
  • Koljós ou granxas colectivas.
  • Soljós ou Granxas Estatais de carácter experimental.
  • Estacións de Maquinaria e Tractores.
• Planificación Industrial.
  • Desenvolvemento da Industria Pesada, dáselle prioridade sobre o resto da industria. Especialmente destacan a industria siderúrxica, mineira, petrolífera e artisticamente.
  • Creación de Combinats. Agrupación de varios centros industriais interdependentes que se dedican a produción de industria de base ou industria pesada.

As consecuencias de todos estes plans económicos son: o aumento da industrialización da URSS, o cambio da estrutura económica da URSS, aumentou a produtividade (pese ós baixos niveles de produtividade, aínda que en xeral aumentos a produción), deixou de lado a industria de consumo, os enorme custos de vida e repercusións ambientais, etc.

Outras das medidas foi a reestruturación do Estado, que quedou nunha ditadura de carácter totalitario e baixo o control directo de Stalin. Os cambios poden definirse en: a creación dunha Constitución da URSS; a creación dunha estrutura federal, pero baixo o control do PCUS e Stalin; o desenvolvemento da burocracia leal a Stalin; o control político e ideolóxico de toda a sociedade soviética; e a política do terror, da que falarei un pouco máis adiante; a aparición dun culto a personalidade do líder, centrado en Lenin pero, sobre todo en, Stalin); e a consolidación dunha política exterior baseada na consolidación do Comunismo.

O control político e ideolóxico e a política do terror van da mesma man: as dúas intentan reforzar o control de Stalin sobre todo a sociedade soviética. Para afianzar a política de consolidación do poder de Stalin, este organizou unha serie de purgas políticas. Estas purgas son procesos nos que Stalin vai eliminando progresivamente a todos aqueles que se opoñen as súas ideas ou as súas decisións políticas. Non me refiro a que os mata, que si é certo que acaba pasando en moitos dos casos; senón que os enviaba a campos de concentración e de traballo. Para iso axudase dos Gulags, que eran campos de concentración e de traballos para a oposición. Moitos destes gulags estaban situados en Siberia, onde Stalin usaba os seus inimigos políticos para realizar traballos para completar os Plans Quinquenais.

Isto acabou provocando unha Política do Terror, xa que as purgas mobilizaron a millóns de persoas, xa que as demandas de traballadores para ós gulags eran asombrosas. Moita xente morría nos gulags, polas malas condicións de traballo; pero os plans de Stalin debían cumprirse fora como fora.

Para levar a cabo esas purgas Stalin apoiouse no exército, pero sobre todo nunha policía política que coñecemos co nome de NKVD. Esta substitúe a antiga Tcheka creada en tempos de Lenin, pero funciona do mesmo modo: policía para eliminar a calquera que se opoña o Estado, ou nesta ocasión a Stalin.