O goberno de Lenin e as primeiras medidas.

GOBERNO DE LENIN.

CONSTRUCIÓN DO ESTADO SOVIÉTICO.

O goberno é exercido polo Congreso dos Soviets creado en 1918,e que evolucionou dente o primitivo Soviet de Petrogrado. Este encargase de realizar os seguintes elementos: a creación da Declaración de Dereitos do Pobo Traballar e Explotado (que é a futura base dunha constitución ou declaración de dereitos dos cidadáns), a creación da República Socialista Federativa Soviética de Rusia (RSFSR), a creación da I Constitución en 1919, etc.

Esta estrutura de goberno cambiaría despois da Guerra Civil dando lugar a creación da URSS e a Constitución de 1924, pero iso agora non o vamos a tratar.

Para consolidarse no poder Lenin e os bolxeviques van realizar unha serie de purgas políticas para eliminar a toda a oposición ó seu goberno: partidos políticos, antigos tsaristas, burgueses, anarquistas, etc. Isto permítelle controlar completamente os soviets, pero propicia a creación dunha nova facción, os contrarrevolucionarios, que levou a Rusia a unha Guerra Civil, que analizaremos máis polo miúdo.

DECRETOS DE OUTUBRO.

Unha vez que Lenin consegue controlar a oposición dentro do Soviet, intenta tomar unha serie de medidas para congraciarse co pobo, e cumprir as promesas feitas nas Teses de Abril.

Para iso no II Congreso dos Soviets determinou o que se coñece co nome dos Decretos de Outubro, na que toma unha serie de medidas para instalar a Ditadura do Proletariado.

• Decreto de Nacionalización da Banca e do Comercio Exterior.

Decretase a nacionalización de todos os bancos, que pasan a control do Estado Soviético, e o mesmo tempo controlase o comercio exterior, para que todo pase polas mans dos soviets.

• Decreto sobre o Control Obreiro.

As fábricas son nacionalizadas, e dáselle o control das empresas ós obreiros. Estes deben seguir os preceptos dados polos soviets, que marcaran as necesidades de produción e venta.

• Decreto a favor da Paz cos imperios Centráis.

Este consolidarase coa firma do Tratado de Paz de Brest-Litovsk no 3 de Marzo de 1918. A cambio de conseguir a paz cos Imperios Centrais estes conseguiron enormes concesións territoriais en Polonia, Ucraina e Bielorrusia

• Decreto das Nacionalidades.

O decreto das nacionalidades foi un intento de contentar as minorías étnicas e relixiosas do antigo Imperio Ruso, xa que estas poderían voluntariamente elixir o seu destino. Aínda que en realidade isto debemos tomalo con coidado, xa que non sempre foi respectado.

• Decreto sobre a Terra.

O Decreto sobre a Terra era un intento por aplicar as Teses de Abril, e o seu principal obxectivo era contentar o campesiñado co reparto de terras. Lenin pensaba que se contentaba o campesiñado, que era a maior parte da poboación de Rusia, controlaría todo. Este decreto manifestouse na nacionalización da terra, arrebatándolla os antigos terratenente do tsarismo (nobreza, igrexa, algúns burgueses, etc.). A terra sería logo repartida entre o campesiñado para que a traballase, pero a terra sería propiedade do Estado.

KOMINTERN OU III INTERNACIONAL (1919-1943).

Isto non o pon no libro, e é un tema interesante, por iso o vou comentar aquí. Pero non vou preguntalo no exame. O Komintern ou III Internacional foi un intento de unificar os marxistas para estender a revolución a todo o mundo. Lenin e os bolxeviques pensaban que a revolución en Rusia, so era o primeiro paso para unha revolución mundial. Pero agora os bolxeviques aspiraban a controlar esa revolución, para iso intentaron crear un movemento revolucionario mundial, que sería formado por persoas leais.

Para iso fixo un programa de difusión das ideas bolxeviques (a través de libros, publicacións, manifestacións, accións violentas) e a implantación de Partidos Bolxeviques en cada país do mundo. Estes novos partidos políticos debían recibir o nome de: Partido Comunista de (o país). A peculiaridade desta internacional é que os comunistas ou bolxeviques debían acatar as normas impostas dende Rusia, e non se admitía a disidencia.

Logo en outras entradas veremos un pouco a Guerra Civil e a NEP, xa que creo que merecen un pouco máis de explicación.

GUERRA CIVIL (1919-1921).

NEP ou Nova Política Económica.

Para completar un pouco o goberno de Lenin durou ata 1924 cando morreu.